قبل عملية جراحة السمنة لازم يكون عندك فكرة إنك ممكن تواجه اكتئاب من قلة الأكل خصوصا لو عندك مشكلة الـ Emotional Eating أو الأكل بكثرة عند اضطراب المشاعر. مثلاً، لو بتاكل سكريات بشراهة زي الشوكولاتة علشان تقلل التوتر وترفع هرمون السعادة!
مشكلة الأكل المرتبط بالمشاعر أنه معتمد بشكل كبير على الحالة المزاجية للشخص، ولو الشخص كان مريض سمنة فهيكون معرّض بشكل أكبر إنه يدمن السكريات أو يأكل علشان يقدر يقلل التوتر، أو علشان يقدر ينام بعد الشعور بالامتلاء.
إزاي نقدر نفرغ مشاعر الجوع أو التوتر الزائد أو الحزن بسبب قلة الأكل بعد جراحات السمنة؟
١) لازم تكون دارس قرارك بشكل جيد، ويكون طبيبك شارح لك تفاصيل الفترة الأولى اللي هتكون فيها مش قادر تطاوع مزاجك والسيطرة عليه بالأكل، بالتالي هتحاول تحارب الشعور ده بأنك تعرف إنك بتبدأ فترة جديدة من حياتك بصحة وشكل أحسن.
٢) لازم تعرف إن مشاكلك الشخصية أو النفسية مش حلها الأكل، الحل لأي مشكلة هو إنك تواجهها وتعرف تحلها بشكل منطقي، ولكن الأكل ما هو إلا تفريغ لطاقة التوتر الزائد.
٣) ممارسة الرياضة بعد عمليات السمنة سواء كانت عملية تكميم المعدة أو عملية تحويل المسار هتساعد في رفع هرمون السعادة وتقلل رغبتك في الأكل.
٤) فكر في مستقبل شكل جسمك وحياتك اللي هتكون أفضل.
٥) اتمشى في أماكن مفتوحة، واشرب أي مشروب مفضل بالنسبة لك واتكلم مع أشخاص بتحبهم.
٦) اشرب مياه كتير.
٧) اعرف هدفك وحلمك، وشتت تفكيرك عن الأكل.
٨) تجنب الأشخاص المُحبطين اللي ممكن يسببوا لك مشاعر سلبية.
٩) صحتك أهم من الاكل، خليك عارف حلمك
١٠) أي وقت تحتاج استشارة تواصل مع دكتورك فورا علشان يقدر يساعدك خصوصا في الفترة الأولى سواء قبل أو بعد العملية.
مطر كلينيك بتدعمك في رحلتك لحياة وصحة أفضل.
